Македонска GNU/Linux планета

16 ноември 2018

Новица Наков

Автомобилски субвенции против аерозагадувањето

За поздравување се напорите на Владата на Република Македонија да се преземат мерки за борба против аерозагадувањето. Меѓутоа, мислам дека е корисно мерките да бидат разгледани во јавноста, барем она што е воглавно познато за нив. Овде ќе се позанимаваме со Предлог-законот за изменување и дополнување на законот за возила, доставен за понатамошна работа во Собранието. Во него во член 5-в се вели: Со цел зголемување на безбедноста во сообраќајот на патиштата, намалување на трошоците за одржување на возилата, намалување на загадувањето на амбиенталниот воздух, како и зголемување на увозот на нови во однос на половни возила, Министерството за економија за тековната фискална година согласно планираните средства со Буџетот на Република Македонија, изготвува: * Програма за субвенционирање на дел од трошоците за купување на возила на електричен погон и хибридни возила; * Програма за субвенционирање на дел од трошоците за вградување на уреди за погон на ТНГ или друг вид на алтернативно гориво; * Програма за субвенционирање на дел од трошоците за купување на ново возило со одјавување на старото возило согласно член 41 став (1) од овој закон.

16 ноември 2018, 00:00

13 ноември 2018

Сподели знаење

Учиме Python за Data Science - Среда 14.11.2018

Во среда во 19.00  продолжуваме да учиме Python за Data Science во Хаклаб. 
Сите заинтересирани се добредојдени.

од Dafina Shekutkovska (noreply@blogger.com) на 13 ноември 2018, 22:47

ništa se neće dogoditi sa 3d printerom (?) - (13.11.2018)

Минатата недела стигна новиот 3D принтер, така да дојде време и да го расипуваме. Плус на гости ни е Добрица од загребачкиот хаклаб, и вели:

Ej, shvatio sam da bi mi bilo bad da odem iz skoplja a da ne napravimo mali 3d-printer razmjenu vještina ako vam se hoće. Bad mi je cimati te opet, ali ako je netko zainteresiran onda bi ja radio došao u hacklab još večeras.

Најава за кратко, но ќе почнеме денес од 7

од Damjan Georgievski (noreply@blogger.com) на 13 ноември 2018, 16:35

10 ноември 2018

Новица Наков

Уште една преселба на airborne

Поминаа многу (повеќе од 10?) години откако блогов го префрлив од python скрипта, што патем сѐ уште ја користи Дамјан, на Drupal (тогаш верзија 4 или така нешто). Не се сеќавам кои точно беа причините за тоа префрлање, освен можеби дека тогаш тоа се чинело како интересен потфат, Drupal бил нов и кул, итн. Сегашнава преселба има плус причина: развојот на Drupal 7 (верзијата што сега ја користам) завршува во ноември 2021 (end of life), но надградбите на 8 (и понатаму 9) не се едноставни операции.

10 ноември 2018, 00:00

09 ноември 2018

Сподели знаење

Учиме Python за Data Science - Сабота 10.11.2018

Во сабота во 19.00  продолжуваме да учиме Python за Data Science во Хаклаб. 
Сите заинтересирани се добредојдени.

од Dafina Shekutkovska (noreply@blogger.com) на 09 ноември 2018, 20:01

06 ноември 2018

Сподели знаење

Четврток 08.11.2018 - Склопување и тунирање на нов 3D Printer - Creality Ender 3

Нов 3D Printer стигнува во Хаклабот, и овој Четврток ќе го отпакуваме, склопиме, истунираме и разработиме. Се работи за моделот Creality Ender 3, релативно нов модел, кој иако е меѓу најевтините модели, има претежно добри критики и задоволни корисници.

Ако остане време ќе пробаме и да имплементираме некои подобрувања, како auto bed leveling, и да размислиме како да го автоматизираме принтерот за (полу)независно печатење.

Поканети се сите заинтересирани за 3D печатење, и тие што сакаат да научат, и тие што знаат и можат да помогнат :)

Почеток во 19 часот.

од kovach (noreply@blogger.com) на 06 ноември 2018, 21:04

Front-end Meetup Skopje #19, 19 часот, понеделник, 12 ноември 2018 г.

На 12 ноември 2018 г. од 19 часот во хаклаб КИКА ќе се одржи 19-от настан на Front-end Meetup Skopje (FEMUSK).

Правиме исклучок од правилото на одржувањето на овие настани, зашто имаме специјални гости од Kiwi.com кои се на кратко во Скопје и сакаат да ѝ се претстават и да ја запознаат нашата заедница.



За овој настан, којшто ќе биде на англиски јазик, имаме две супер презентации и тоа:
  • 5 essential tools to keep your JS apps sane and scalable - Martin Zlámal (Senior Frontend Developer)
  • Serverless back-end services for JS developers - Michal Sanger (Kiwi.com Principal Engineer)
Се гледаме в понеделник од 19 часот до 21 часот.

Интересот за настанот е голем и очекувајте поголема гужва од обично, што значи дојдете порано за да си фатите место.

По настанот заедно со гостите од Kiwi.com продолжуваме во Порта Паб на по некое пиво.

    од Goce Mitevski (noreply@blogger.com) на 06 ноември 2018, 08:13

    04 ноември 2018

    Сподели знаење

    Учиме Python за Data Science - Понеделник 05.11.2018

    Во понеделник во 19.00  продолжуваме да учиме Python за Data Science во Хаклаб. 
    Сите заинтересирани се добредојдени.

    од Dafina Shekutkovska (noreply@blogger.com) на 04 ноември 2018, 14:58

    29 октомври 2018

    Новица Наков

    За потребата за бележење на причините за неуспех

    Tags: 

    Секое предавање за стартапи вклучува охрабрување дека неуспехот е дел од процесот на правење бизнис. Инвеститори кои што држат предавања велат дека попрво би вложиле во некој со просечна идеја и неуспешно искуство, отколку во некој со супер идеја и без искуство на пораз во бизнис светот. Падни седум пати, стани осум пати или слични источни поговорки се користат да се илустрира процесот до стигнување до успех преку неуспеси.

    Сепак, освен ако не наоѓам голема дискусија некаде, ми се чини дека во Македонија има многу малку податоци и дискусија за тоа зошто стартапите не успеваат. Со планот стартапите да бидат еден од главните двигатели на економски раст во Македонија, поддржани од државни институции како Фондот за иновации и технолошки развој (ФИТР) кој што дизајнира програми и политики за инвестирање, прашањето за неуспех би требало да добие поголемо внимание.

    Разбирањето на причините за неуспех може да има советодавна улога за државните програми за финансирање и за другите сегашни и идни стартапи. Ова е од посебно значење ако причините за неуспех најчесто не се лоцирани внатре во фирмите (на пр. лош менаџмент), туку надвор во околината во или со која што тие работат (на пр. високи кирии за деловен простор). ФИТР и другите државни институции што помагаат во спроведувањето на програмите за економски раст, на проблемите кои што се од внатрешна природа кај компаниите, можат релативно полесно да понудат решенија (како на пример обуки за подобрување на менаџерските способности, подобрување на меѓучовечки вештини, учење на други потребни знаења итн.). Но, работите стануваат многу покомплицирани ако треба да се интервенира во работи што не се во директна надлежност на државните институции кои примарно работат со стартапи. Затоа податоците за неуспех може влијае и на други државни политики.

    Ако на пример, стартапите не успеваат поради тоа што не можат да најдат дополнителни програмери за да ги испорачаат производите што ги ветиле на пазарот, а тоа како последица го попречува економскиот раст, тогаш ФИТР ќе може да го советува Министерството за образование за промена на образовни програми. Ако пак скапите кирии или недостатокот на деловен простор во Скопје се проблем, тоа може да биде сигнал за градежниот сектор или за локалните власти од други градови кои би понудиле поприфатливи услови за стартапи.

    И така натаму, може да се понудат други примери: пристап до пазари, контакти од клиенти, формирање конзорциуми помеѓу домашни и странски компании за поголеми проекти за кои надлежностите се наоѓаат кај други државни институции и кои соодветно би можеле да се вклучат, сѐ со цел постигнување на што е можно поголем позитивен ефект економскиот раст.

    Станување осум пати е супер. Уште подобро е кога знаеш зошто паѓаш. Ако некаде има такви податоци, оставете коментар.

    Објавено на IT.mk: https://www.it.mk/za-potrebata-za-belezhene-na-prichinite-za-neuspeh/

    од Новица на 29 октомври 2018, 20:06