Македонска GNU/Linux планета

Katamari Prince(ss) of All Cosmos! (via Veronica M)

Сакам вакво. Плаќам на плетач(ка) да ми сплете. ;)

Линк за како.

20 август 2008, 00:15

Стварно бев силен верник во тоа дека Американците отишле на Месечината… човеков може стварно бил. Имал лоботомија од мунмен (moonmen). Нема појма што збори. Или не бил, па го снимале во студио само заради фотогеничност.

20 август 2008, 00:09

Новата технологија и координацијата. Клеј Ширки на ТЕД 2005. Објавен во јули оваа година.

Тука.

19 август 2008, 22:15

Денес е објавена нова верзија од Pidgin. Pidgin 2.5 е едно од најзначајните изданија досега.

Доаѓа со долга листа на подобрувања и неколку долго очекувани карактеристики.

Со Pidgin 2.5 добивме:

• поддршка за офлајн пораки во MSN
• менаџер за смешковци (а со тоа и можност за додавање и употребување смешковци по избор)
• автоматско намалување на огромни смешковци (заради што Pidgin често се закочуваше или исклучуваше)
• можност за поставување лични пораки
• и уште многу други интересни опции…

Супер издание! Честитки и само напред. Ако некогаш мислев дека Pidgin се развива со намален интензитет од порано, денес мислам дека тој е повторно во игра. Силно препорачан на сите корисници, особено на оние што првпат слушаат за Pidgin, без оглед на избраната платформата.

од Гоце Митевски на 19 август 2008, 16:57

Pragerpedia - стварно ја направија... хуху :D

19 август 2008, 15:27

Неколку работи што ќе ви помогнат да направите разлика помеѓу еден оперативен систем и друг оперативен систем.

1. Лиценца
Кога ќе си купите компјутер денес компаниите што продаваат компјутери обично продаваат и Windows лиценца за која што нормално, треба да си доплатите доколку сакате да имате Windows оперативен систем на вашиот компјутер, доколку не сакате, тогаш ви инсталираат GNU/Linux дистрибуција која што е под капата на GPL лиценцата што ви овозможува бесплатно користење на Linux оперативен систем без никакви легални/нелегални трошоци.

2. Подршка за хардверот на вашиот компјутер
Веќе сте купиле компјутер и немате никаков оперативен систем затоа што сакате “сами” да си инсталирате Windows и тука има голгота околу едно цеде со driver-и, друго цеде со други driver-и и кај сте потрошиле 2 саати со инсталација на Windows сега треба да ги инсталирате тон други програми за подршка на вашето лично компјутерче. Доколку инсталирате Linux оперативен систем се разбира најново објавена дистрибуција, дека е бесплатна и слободна за користење, целата  голгота ќе заврши за максимум, максимум 2 саати. И плус Windows ве става во инфериорна позиција затоа што бара подобар хардвер.

3. AntiVirus заштита
Тука не би навлегувал многу многу затоа што веќе е јасно и тешко кога станува збор за Windows. Кратко кажано за GNU/Linux оперативениот систем скоро и да нема такви штетници што може да му наштетат, а тоа и го прави посигурен и без потреба од инсталација на AntiVirus програми.

4. Стабилност
Дека е слободен и развиван од милион развивачи (програмери) низ цел свет, грешки во програмите и функцијата на GNU/Linux оперативниот систем се решаваат светлосни години побрзо за разлика од Windows оперативен систем. А знаеме колку е “стабилен” Windows .

5. Фрагментација
Проблем кој многу луѓе го имаат што користат Windows NT/XP/Vista оперативни системи затоа што NTFS системот за запишување на податоци на хард дискот не е со ограничување. Практично запишува кај ќе му текне на целиот хард диск. За разлика Linux/extX системот за запишување е составен од неколку копмоненти.

Прво: ги распоредува податоците во блокови на хард дискот.
Второ: ги разграничува големите од малите датотеки што значи, малите датотеки се запишани во мали групи блокови, а големите во големи групи блокови на хард дискот.
Трето: Linux никогаш не запишува во фрагментиран простор на хард дискот.
Се на се Linux extX има од 5-10% степен на фрагментација, а Windows NTFS од 10-20% степен на фрагментација.

6. Слобода
Не треба да прашате или да плаќате на некој за нешто што сакате да си надградите на оперативниот систем. Имате контрола на сите процеси што се случуваат на вашата машина. И слобода за измена на визуелниот елемент на оперативниот систем без да платите ни динар и така натаму и така натаму...слобода.

Се разбира ова се точки на гледање според мене, што не значи дека се најточни или се гаранција за да имате беспрекорен компјутер. Само може да ви помогнат во користењето на компјутерот да ви биде удобно и спокојно.

19 август 2008, 11:37

RIAA полудува за глупости и други работи

Значи неодамна RIAA (Record[ing] Industry Association of America) го соборе Muxtape. Зошто? Заради големиот број на нивна содржина која е хостирана на истиот сервис. Но, дали е ова хостирање лошо? Не. Зошто? Заради тоа што од Muxtape неможеш најлесно да ги земеш песните, односно да креираш копија на твојот компјутер (иако покажав како тоа би се направило), што автоматски ја докажува фер-употребата на авторскиот материјал испратен до сервисот.

Да додадам дека Muxtape служи како pro-bono адвертајзинг (или рекламирање) на кул музика, која морам да признаам е повеќе Indie отколку комерцјална/мејнстрим што пак ја удира RIAA во стомакот, која притоа можеш да ја купиш преку Amazon (DRM Free!) за што Muxtape ти го дава линкот, или ако си доволно храбар да потрошиш $1 од песна преку iTunes. Како и да е, RIAA е глупава.

Уште поизненадливо е тоа што од Muxtape не се предаваат. Цитирам:

No artists or labels have complained. The site is not closed indefinitely. Stay tuned. Beta users of Muxtape For Bands: you are unaffected by this outage.

Ако ме прашаш мене, јас би им дозволил на RIAA да ја тргнат својата музика од Muxtape, ако се толку тврдоглави, а би ја оставил Indie-то (Independent) која е милион пати боље нормално за оние бендови/артисти кои нема да се жалат.

P.S. Слушнав нешто слично се случувало со Pandora.

P.P.S. Да ја цитирам Сара Лејн од попСајрен, Ревижн3:

People, don’t make us buy albums again.

Го кажа ова токму на оваа проблематика. Think.

Casette Tape Skeleton (via Andrew Huff)

19 август 2008, 05:29

Извор: МедалТракер.ЕУ

од Jovan Petrov на 18 август 2008, 20:37

За сите што сакаат да стават мотив од Firefox за својота работна површина (Desktop):

Повелете.

18 август 2008, 16:42

Џорџ Глуп.

Слика на Pacific Coast News

од Гоце Митевски на 17 август 2008, 12:43

Еве почнав сериозно да ја рагледувам можноста за миграција на блогов на некоја посовремена (да не речам web2.0) платформа. Меѓу другото сега проверувам што сѐ имам закачено овде, преместувам слики на фликр, поправам врски и сл.

Една година до целта (стигнав до јуни 2007) и го гледам записот за, по многу нешта, контроверзниот избор за Наградите за светскиот самит.

Па еве, еден од тогашните победници Портал: Дигитизација на националното наследство, веќе не постои на Интернет. Тогаш, во 2007, коментирав дека овој портал воопшто не ни треба да учествува на изборот.

17 август 2008, 10:34

Незнам како го сликнав ова… :)

16 август 2008, 22:12

Денес на А1:

Македонија нема заштита од хакери

Или така нешто…

Тие, ниту МИ немаат појма за значењето на зборот „хакер“.

Друг коментар: He, Filip Stojanovski of all people should know better.

Ова е тамбллог, да не должам многу: НЕ ГЛЕДАЈТЕ А1. МОЖЕТЕ ДА ГО ДОБИЕТЕ СИНДРОМОТ (ЗА ЖАЛ ВО ПОРАСТ) НА „МЕ ТЕПАА КАКО МАЛ ПО ГЛАВА (ПА СЕГА НИШТО НЕЗНАМ, НИТУ ДА ЧИТАМ, НИТУ ДА ГУГЛАМ. ГЛУПАВ СУМ)“

ЧАО!

16 август 2008, 21:31

Па, пред неколку недели од страницата на The Economist симнав еден специјален извшештај за „електронскиот бирократ“. Се надевав дека за/од него ќе напишам нешто интересно за тоа како овој влијателен весник гледа на прашањето за електронска влада. Но, не стигнав подалеку од првиот пасус и слатко се изнасмеав на не-е-влада моментот:

Ат 6.15AM on a December morning the streets of central London are cold, dark and offer little for the omnipresent CCTV cameras to record. But outside the Indian High Commission 109 people are sleepily waiting for the visa section to open. David Robb and his friend are first in line, huddled in sleeping bags behind a windbreak since 3am, to ensure visas for a planned holiday in Goa. Nearly all his fellow-sufferers in the queue have booked their air tickets and sometimes their entire holiday on the internet, paying with a credit card. Those electronic signals move information almost at the speed of light billions of times faster than the shuffling, shivering humans in the visa queue. "In this day and age? Bleeding disgusting," is Mr Robb’s pithy comment on the Indian visa system.

Знам дека овој извадок вака е прилично надвор од контекст. Веќе неколку реда подолу, авторот ја руга и амбасадата на САД за своите визни практики во Обединетото Кралство. Сепак, ова горе некако премногу потсетува на сликите од амбасадите во Скопје.

Мило ми е што не патиме сами.

15 август 2008, 07:32

Часот е 00.33 и не можам да заспијам, па така ми текнуваат глупости и по нешто интересно. Се мислев за нешто што од порано сакав да го обработам на блогов секако инспирирано од слободната култура која се трудам да ја форсирам како знаам и кај ќе стигнам.

Корисниците на слободен софтвер или тие што се разбираат во компјутери нешто повеќе од „студентски прашања“ знаат дека кога станува збор за GNU/Linux, не можат да се сетат на нешто конкретно затоа што постојат милион дистрибуции кои ја прават одлуката за тоа што да се користи потешка, но од друга страна имате слобода да изберете различна дистрибуција за речиси секоја различна намена. Така имате Ubuntu GNU/Linux за корисниците на GNOME и Kubuntu GNU/Linux за корисниците на KDE. Имате Dreamlinux за мултимедијални корисници или Gentoo за напредни корисници кои сакаат да имаат целосна контрола врз софтверот што го користат (врз неговата оптимизација). Сѐ разбира, не значи дека ако Ви затреба програма за уредување звук мора да инсталирате дистрибуција за таа намена. Сиот слободен софтвер што постои денес можете да го користите во секоја GNU/Linux дистрибуција, да ја инсталирате саканата апликација преку системот за справување со пакети на Вашата дистрибуција. Кога почнав да користам слободен софтвер, тоа не го направив затоа што знаев што правам. Не го разбирав концептот за слободен софтвер. Не ни знаев дека има воопшто концепт. Знаев дека станува збор за нешто различно. И баш околу тоа е и идејата. Зошто дел од луѓето сакаат да прават работи што се различни од тоа што го прави мнозинството. Речиси секогаш кога толпата ќе тргнеше нагоре јас сакав да одам надолу. Тоа често ме носеше во заебани ситуации кои неоправдано ги форсирав до тотален дебакл, но некогаш ми го правеше животот поинтересен. Секако дека не би било ок да се шеташ гол во куќа каде живеат калуѓерки, но од друга страна би било интересно да си облечен како калуѓерка (монах, whatever), во куќа во која сите се пашаат со голи газови. Така бидна и со системот. Некој спомна дека е кул, дека
е ти реков ми рече, па почнав да го користам. Сега причината и потребата од бидување различен избледе, па еве по некое време повторно се навратив на тоа. Помудар и покул, се прашувам дали денес уште постојат луѓе, особено од младите, што би користеле слободен софтвер, само затоа што тоа е различно од тоа што го користат останатите? И најверојатно одговорот е големо ДА, што во секој случај е лоша причина за користење слободен софтвер. Зошто?

Би рекле дека е добра причина затоа што се добиваат повеќе корисници, што мене воопшто не ми е гајле затоа што тоа што го промовирам јас не го правам од лични интереси и дека ако денес „добиеме“ 2ца нови корисници акциите наеднаш ќе рипнат 2%, туку од желбата да му помогнам на комшијата. Значи дали еден или милијарда корисници на GNU/Linux, најверојатно нема да ми значи ништо, сѐ додека постои сѐ она што јас го користам и ми е потребно. Тоа ја исклучува таа причина, дека горенаведениот мотив за користење слободен софтвер е позитивен. Тогаш кој е негативен? При изборот да се користи слободен софтвер само затоа што останатиот дел корисници не го користи, луѓето воопшто не гледаат што користат. Дури и не сфаќаат што користат се додека имаат инсталирано Ubuntu или Mandriva или Archlinux (итн. овие се споменати само како пример). За голема жал на љубителите на 90% од дистрибуциите, денес користењето на ред дистрибуции кои впрочем дистрибуираат НЕслободен софтвер врз слободна платформа е од голема штета за целиот екосистем распространет низ целиот свет и составен од хакери, корисници, компании и сл. срања. Најголем дел од дистрибуциите како дел од пакетот/ите за самото јадро (Linux, www.kernel.org) дистрибуираат неслободен софтвер, како неслободни драјвери, фирмвери итн. Дополнително се влошува ситуацијата кога самите корисници инсталираат неслободен софтвер тргнувајќи од неслободните драјвери за графички картички (кои масовно се инсталираат), па се до глуп софтвер од редот на Skype, Flash и сл. Која е тогаш поентата, да користиме слободен софтвер, кој не е целосно слободен?

Јас секако дека не користам АПСОЛУТНО слободен софтвер. И тогаш кога би можел, на хардверот кој го користам, тоа е невозможно. Биосот не е слободен и некои други ‘uCode’ (фирмвери) во самиот хардвер. Исто така користам уште два други неслободни пакети, iwlwifi-ucode (фирмверот) за да може да ми функционира мрежната за безжична врска, користам и Flashplugin затоа што со Gnash можам да гледам само 1% од видеата на Интернет (иако има речиси целосна компатибилност со видеата на Youtube, Gnash е лош за останатите сајтови). И во ред, без Flash се живее (со оглед на тоа и што не развивам Flash софтвер), но без фирмверот едноставно не се може, затоа што треба да се лишам од мрежната. Битно се обидов да направам жртва и се ослободив од Skype, од mp3 музиката, дури користам и генерички драјвер за мојата глупава ATI x1300 картичка, следејќи ја идеологијата која ја прифатив и на која сум доследен.

И така доаѓаме до уште еден скромен заклучок. Можеби сето ова го правиме поради тренд. Јас искрено го правам поради философско-политичките ставови кои ги имам кон компјутерската технологија. Се радувам кога некој го прави онака исконски (користејќи gNewSense и сл. слободни
дистрибуции поддржани од FSF [fsf.org]), но се гадам од луѓе што сакаат да користат GNU/Linux само за да го наполнат со неслободен софтвер и да ги реализираат идеите на компании и здруженија кои промовираат неслободни дистрибуции, што доведува до користење на голем број
неслободни пакети.

Каде би бил јас? Во тие кои користат 2 неслободни пакети, едниот ради потреба, другиот ради  потреба од уживање (музика,видео). Крајната поента е дека идеалната замисла ја применуваат мал број корисници, веројатно тие во круговите на RMS и симпатизерите на неговата кауза. Не е апел ниту обид да карам некого, велам, истото го правев и правам и јас, некој станува свесен порано некој покасно. И секако, сето ова може да се примени врз било која друга идеја. И тогаш кога би шетале голи во куќа со калуѓерки, џабе би било на половината да ставиме крпа.

Врски:

• https://bugs.launchpad.net/ubuntu/+source/gnuplot/+bug/195111
• http://www.desktoplinux.com/news/NS7895189911.html
• http://www.desktoplinux.com/news/NS7506163557.html
• http://www.linux-watch.com/news/NS3364701970.html
• http://boycottnovell.com/2006/12/23/ubuntu-no-blobs-by-default-petition/

од gemidjy на 14 август 2008, 14:25

Предавањето на Лорен Лесиг на годинешниот iCommons Summit: врска.

Ова е едно од неколку што Лесиг ги одржува во последно време, каде што објаснува за својот (умерен) став кон прашањето за авторските права.

Слично на ова предавање, е и она од 23c3: врска.

Но, овде на крај има едно интересно соочување со Џон Пери Барлоу (мислам), па секако го препорачувам тој дел.

Ова ако не ви здосадил да го гледате. :)

Патем, Лесиг (ќе) има и нова книга: врска.

Дополнување: во последно време сѐ нешто се појавува информација дека Лери го одржал „последното“ предавање. Пред последното да биде она на iCommons, последно беше ова на Стенфорд: врска. :)

14 август 2008, 12:51

еве нешто интересно шо го најдов сабајлево:

од gemidjy на 13 август 2008, 12:05

Ми се чини дека сум ги читал овие приказни, но штом веќе ми влета видето со говорот на rss, можам да го ставам и на блог.

http://www.youtube.com/watch?v=UF8uR6Z6KLc

12 август 2008, 20:39

Тамам се спремав да ја купам, кога ете ти рецензија на неттајм (поточно Мјут) од Феликс Сталдер. Според она што го прочитав, Ширки прилично еднострано ја третира целата оваа тема за Web2.0. Многу неотворени прашања:

Clay Shirky's Here Comes Everybody is reputed to be the best book ever written on Web 2.0. By why the strange silence on questions of copyright, privacy and ownership?

И додека сигурно е интересна за читање:

‘Communication tools don't get socially interesting until they get technologically boring.’ If a single sentence can represent the entire book, it must be this one. For one, it's great writing.

Ми се чини дека недостатокот на разговор за некои клучни теми е недопустливо. Штета.

Yet, there are a lot of things that are less cute about the newly boring technologies which Shirky chooses to ignore. Shirky stresses the decentralised, ad-hoc mode of new organisations, yet they are based on very complex infrastructures that are highly centralised and that create near infinite potential to manipulate the social interactions that take place through them. These are not neutral enabling devices.

Оние кои беа на Glocal2.0, се сеќаваат, а оние кои не беа можат сега да дознаат, дека едно од клучните прашања кои беа поставени (Марсел зборуваше на долго за ова) и можеби едно од прашањата кои беа најизбегнувани беше токму контролата над корисниците што ја имаат големите Web2.0 сервиси.

Thus, there is a tension at the core of the Web2.0 phenomenon created by the uneasy (mis)match of the commercial interests of the companies and social interests of their users. All this social interaction takes place within privately owned spaces so that users are basically faced with a take-it-or-leave-it decision that few of them are really aware of. There is a structural imbalance between the service providers who have a tangible incentive to expand their manipulative capacities and the average users who will barely notice what's going on, since it would require a lot of effort to find out. To believe that competitive pressures will lead providers to offer more freedoms is like expecting the commercialisation of news to improve the quality of reporting.

Ми се чини ова се доволно цитати за кој и да е да стане заинтересиран за рецензијата на Феликс (кој барем за мене бил доста корисен во изминативе години со своите проникливи коментари).

Можете да ја прочитате на страниците на Мјут: врска. (А можете да си земете и pdf.)

Дискусијата на неттајм исто така е интересна. Ловинк напишал еден горе-долу оправдувачки текст за Ширки. Интересно да се прочита во секој случај.

Ова е првичната порака. Другите изгледа сѐ уште не се архивирани. Ако одлучите да ја ѕирнете архивата не го пропуштајте и Patrice Riemens на тема Flickr vs Maartin Dors (многу поврзано со контрола на корисниците).

По ова, не знам дали уште сакам да ја купувам книгата, уште повеќе поради тоа што Феликс вели дека видеото е доволно. Ех... :)

12 август 2008, 16:06

Гледам дека на планетава упорно се греши при пишувањето на „сè уште“, па да потсетам… Не е „сеуште“ туку правилно е „сè уште“!

Тоа е една од правилните употреби на правописниот знак „надреден знак“.

• Надреден знак ( ` ) се става над самогласката е во кратката заменска форма нè (тој нè виде нас) и во прилогот сè (му реков сè) за да се разликуваат, на писмо, од негацијата не (не оди; тој не нè виде) и елементот се од повратните глаголи (тој се мие, се чешла).
• Надреден знак се става и над кратката заменска форма за женски род ѝ (ѝ реков нејзе) за разликување од сврзникот и: тој и јас; влезе и ѝ рече.

Извадок од „Правопис на македонскиот литературен јазик“ - Б. Видоески, Т. Димитровски, К. Конески, К. Тошев, Р. Угринова-Скаловска (XI изменето издание, 1992 година)

Кога ќе го пишувате следниот запис, потсетете се на претходниве две точки…

од Гоце Митевски на 12 август 2008, 00:01

Ако не одите на одмор и имате некој денар повеќе тогаш можете да ја посетите Икона во Рамстор. Донеле повеќе добри книги што вреди да се пролистаат и прочитаат.

Набрзина разгледувајќи ги штандовите ги препознав „Доаѓаат сите“ од Клеј Ширки (видео - ако е ова точната врска треба да заврши некогаш и на СподелиКино), „Пурпурна крава“ од Сет Годин и збирка со делата на Х. П. Ловеркрафт (забелешка: не знам од каде ми е познат овој писател, изгледа нешто сум читал за него штом сум го запамтил доволно добро за да го препознаам на полица).

Исто така, на полиците има повеќе книги од интересната едиција на The Economist.

Цените се можеби малку посолени. Сепак планирам да се вратам деновиве таму со пари во џеб. :)

11 август 2008, 12:56

Штотуку се вратив од годишниот одмор, па еве неколку нафрлени мисли и една важна забелешка…

View Larger Map

Брач е супер туристичка дестинација, а Постира е совршено место за одмор. Цените се пристојни, храната позната и вкусна… Хрватскиот туризам е светлосни години пред македонскиот. Доколку некогаш имате потреба од автобуски превоз до Сплит, не купувајте карти од туристичката агенција „Александар“. Имаат крајно непрофесионален однос и валкани автобуси што не се климатизирани.

Подготвив и еден албум од селектирани фотографии, па ако до сега не сте биле во Постира, на островот Брач погледнете што ви се нуди…

од Гоце Митевски на 10 август 2008, 16:37

Сабајлево ги средував pdf документите на компјутеров. Пронајдов некои документи за кои не сум знаел дека постојат (и повеќето од нив завршија во ѓубре). :)

Сепак, нешто заврши и на Интернет. Отворив сметка на scribd.com и таму ги закачив сите документи од извиканиот дигитален архив кој се здоби со популарност во последно време. За жал, со некои од неговите pdf-а има проблеми, па не се прикажуваат сите во e-paper-от на scribd.

Исто така закачив и еден свој документ.

(Патем, мала одјава за летово. До крајот на месецот не читам пошта. Не знам кому би му вредела оваа информација, но ете да ја има.)

10 август 2008, 09:13

Еве прост код кој ќе помине низ директориумот даден како втор аргумент (pateka, при што # python converter.py pateka) и таму каде што ќе најде mp3 датотека преку надворешен процес (sox) ќе ја претвори во ogg. Ако најде директориум ќе го додаде во листата на директориуми (кои најпрво се pop()-уваат за да се добие целата патека). Кодот може да се замени со една линија bash ама поинтересно за мене.

Кодот го ставам во датотека пошто неам инсталирано некој ташак за Wordpress за парсирање на код, па се губи вовлекувањето (indentation).

Внимание: Не сум одговорен ако си го изгорите процесорот или ви се деси некое слично срање. Sox функционира супер, не гризи многу перформанси (иако процесорот работи на 100% ), но може да се случи сешто ако го оставите да работи и ако одите да пиете пиво цела вечер. Воедно и мој прв GPLv3 код.

Патем, еве едно мало копче:

од gemidjy на 09 август 2008, 18:34

Како што пред една година напишав се обврзав овие 12 месеци да останам АДСЛ корисник на Телеком. Деновиве ја разгледував конкуренцијата и одлучив повторно да останам. Од Септември почнуваат новите АДСЛ2+ пакети и тоа:

• 10 Гб = 500 денари
• 25 Гб = 1000 денари
• 100Гб = 1500 денари

Брзината најверојатно ќе биде двоцифрена. Бродбендот никогаш не бил поевтин и побрз. Кејблтел ги иницираше најновите поевтинувања - доказ дека конкуренцијата е добра за пазарот.

од Jovan Petrov на 09 август 2008, 13:22

How to do it?

Blog about this and leave a comment on Manatee’s blog[post]. You might just win!

А јас го правам ова колку да го добијам гифткардот и да купам нешто од iTMS…

:)

Tnx 2 white_eagle for recommending!

08 август 2008, 20:55

Вчера излезе Psi 0.12.

Преводот на македонски како и секогаш е достапен со новата верзија.

Место за преземање.

08 август 2008, 12:23

Според Маите, ова се претпоследните олимписки игри Се надевам нема да бидат. Вечер почнува една од најубавите церемонии што денешната цивилизација успева да ја одржи редовно секои 4 години. Олимписките игри. Симбол на натпревар, надеж, љубов, разбирање. Во Кина.

Се надевам ќе има што да се види.

(attribution)

од gemidjy на 08 август 2008, 08:38

Неодамна, голема фама се крена околу експресно донесените закони за следење на комуникациите, работните односи и лобирањето. Определената доза на негативно прифаќање на законите во потесната јавност, Бранко Црвенковски ја искористи за да не ги потпише указите за стапување на законите во сила, но притоа да ја искористи својата постапка како услов за опозицијата да се врати во Собранието. Што би се рекло, „со една мува две“… a потегот може да се толкува како шлаканица и за едните и за другите - првите поради тоа што наводно не ја следат постапката за носење закони, а вторите бидејќи не им се игра опозиција.

За ова ценкање, Владата и ВМРО-ДПМНЕ го обвинуваат Претседателот Црвенковски за државен удар по институциите на системот. Но колку е оправдана таквата констатација?

Во тој пакет ценкања, стоеше и аболицијата на Заев, која дефинитивно може да се карактеризира како удар по правосудниот систем, иако е во законските овластувања на Претседателот. Сега, ВМРО-ДПМНЕ шутира пенали на празниот гол на СДСМ и постојано пентира и ќе поентира со топката „аболиција за Заев“… без разлика на тоа што самите пристапија кон политичка соработка со Доста Димовска, аболирана од Борис Трајковски поради незаконско прислушкување на политичките противници (исто така сериозен прекршок).

Меѓутоа, пред да се извлече заклучок за непотпишувањето на указите, вреди да се проанализира содржината на законите, како и формалната постапка во која се донесени.

Ниту еден од законите не беше донесен по редовна постапка. Иако во предлозите за итна постапка, предлагачите изнесуваат аргументи во полза на итното донесување на законите, Законодавниот дом треба да биде крајно рестриктивен во дозволувањето определен предлог на закон итно да се гласа. Историјата на Собранието на Република Македонија покажува дека повеќето закони се донесуваат по итна постапка, што покажува на релативно нискиот квалитет на работата на законодавството. Мандатот кој граѓаните го пренесуваат на Собранието не е само мандат за гласање, туку „работа во име на граѓаните“. Во стандардната либерално-демократска логика, врз база на која Република Македонија како држава теоретски се гради, тоа значи дека во текот на својата работа, Законодавниот дом треба да ги разгледува законите, да ги дискутира и да се консултира со заинтересираните страни. Оттаму, работата на Собранието е поделена во „специјализирани“ комисии, каде се дискутираат предлозите на закони, пратениците ги слушаат мислењата на стручњаците но и на заинтересираните страни. Паралелно со тоа, се одвива јавна дебата, надвор од институциите. Самиот акт на гласање е краток процес, па не знам дали граѓаните би ги плаќале пратениците само да креваат (или не) рака. Тие таму работат, тоа им е работното место од 8 до 16ч (некогаш и повеќе). Долгиот процес на носење на закони дозволува да се филтрираат про и контра аргументи со кои пратениците се служат за да го изградат својот став. Самите пратеници неможат да бидат, ако воопшто се, стручњаци за се, па оттука ваквата долга постапка обезбедува можност дека барем можеле да се слушнат сите аргументи (или повеќето).

Итното носење на законите само ја покажува подреденоста на Законодавниот дом во однос на Извршната власт (во овој случај Владата). Тоа, за волја на вистината е светски проблем а не карактеристика на овдешната политичка состојба. Но истовремено, случајов јасно покажува дека аргументот на Никола Груевски за предвремени избори поради посилен Парламент е само реторика и желба за контрола на повеќе седишта во Собранието и ништо повеќе.

Содржината на изгласаните закони е уште поалармантна…

Законот за следење на комуникациите без никаква дебата во Собранието (и јавноста) ја проширува листата на дела поради кои може да се дозволи мерка следење на комуникациите. Ова наиде на негодување кај експертите. За мене најпроблематичен дел е можноста истражниот судија и обвинителот усмено да се договараат за следење на комуникациите не подолго од 24 часа. Со оглед на лошата историја на спроведување на правото на приватност на комуникацијата, ваквите законски решенија оправдано се дочекуваат на нож. Не знам што не им е јасно на политичарите, но граѓаните паметат афери поврзани со ова, генерално се исплашени и параноични. Ако на ова го придодадете фактот дека во Македонија Интернет провајдерите имаат обврска да чуваат логови за сурфање неоправдано долго (драстично подолго од европските препораки), заклучокот се наметнува сам по себе.

Итната измена на законот за работни односи можеби не требаше да изненади, но дефинитино не можам да ја оправдам. Во Македонија константно се руши социјалната држава уште од 1991. Овие измени на законот за работни односи се дел од тоа. Ќе видиме што ќе се случи, но фактот дека законот е изгласан по итна постапка покажува дека Владата проценила дека овие решенија нема да бидат поддржани од работниците. А зошто да бидат? Граѓаните досега изгубија бесплатно високо образование, функционално здравство, чувство на сигурност, сега и работничките права им ги крати наводно неконтаминираната нетранзициска Влада која ги убедува дека се бори против нивните експлоататори - македонските олигарси.

Проблемот во овие измени на законот е враќањето наназад. Веќе стекнатите права тешко се враќаат назад. Тие се резултат на долгогодишните борби на работничкото движење низ целиот свет.

Од измените на самиот текст, не успеав да увидам како законот е во полза на работниците. Пример: Доколку досега работодавачите незаконски ги принудувале да не го користат одморот, сега тоа е дозволено, а отштета за некористење на одморот немора да биде повисока од платата што и онака (незаконски принуден) би ја добил.

И повторно - тука немаше јавна дебата, ниту пак при носење на законот се консултирани било какви работнички здруженија - како синдикати и сл.

Јас би предложил закон (по итна постапка) за работодавачи, каде спектакуларно, со цевка на слепоочница ќе биде апсен секој генерален директор кој ќе го прекрши законот за работни односи.

За мене, теоретски најинтересен предлог на закон е „законот за лобирање“. Оваа тема ја следам веќе некое време, бидејќи е актуелна тема во САД, каде Лоренс Лесиг, професор по право на Стенфорд и поранешен главен човек на Криејтив Комонс, иницираше ново движење за промена на Конгресот, во голема мерка базирано на промена на начинот на кој се лобира. Истовремено, демократскиот кандидат Барак Обама начелно се спротивставува на т.н. „лобисти“ кои ја креираат американската политика. Значи, „проблемот на лобирање“ е актуелна дебата… но… како тоа бива во Македонија, очигледно е дека некој или е неинформиран или има лоша намера.

Каде е проблемот?

Лобирањето е срцето на политичкиот процес. На терен, политика е тоа што се случува надвор од самиот чин на гласање: убедување, влечење за ракав, потплатување. Сето тоа е во некоја форма лобирање. Може да мислите дека тоа е погрешно но политиката е таква. Оние кои одлучуваат не знаат се, а лобирањето е начинот како оние кои имаат (или немаат) интерес од некоја политика ги пласираат идеите кај оние кои одлучуваат.

Голем дел од проблемите со лобирањето се регулираат со антикорупциско законодавство и земањето предвид на конфликтот на интереси. Тоа што добар закон за лобирање треба да регулира е затворање на сите дупки кои другите закони ги имаат, како на пример - забрана за големи донации, подароци и сл. заобиколувања на антикорупциското законодавство. Така, сите лобисти се на иста позиција, државниот претставник нема интерес да слуша некого повеќе од друг, па формално неговата одговорна работа пред граѓаните е загарантирана. Токму тоа се препораките на професорот Лесиг: уредување на тоа како државните институции ќе се однесуваат кон лобирањето, а не самото лобирање.

Но овој законски предлог има во себе поинакви механизми. Почетната проблематична точка е дефинирањето на тоа што не е лобирање (таков начин на дефинирање на законска проблематика генерално е полош пристап). Според таквата дефиниција, многу мал дел од комуникацијата на интересните групи (застапени или не од лобисти) не се смета за лобирање, оставајќи голем дел под капата на лобирањето. Според законскиот предлог, освен кога интересната група (еве да речеме некоја невладина организација) не е повикана од државните институции, за било каква друга комуникација, таа мора да биде застапувана од регистриран лобист. Тоа, ги спречува актерите на цивилното општество, да комуницираат лесно со државните или локални институции во предочувањето на било какви аргументи за определена идна или сегашна политика. Таквото законско решение е отворен напад врз цивилното општество, каде се сконцентрирани најголемиот дел од интересните групи. Не се грижете за компаниите и религиозните групи - тие секогаш ќе најдат пари за да ангажираат лобист. Дополнително, определувањето на тоа што не е лобирање, како начин на регулирање на лобирањето, остава одрврзани раце на власта широко да толкува што е лобирање. Така, доколку некоја невладина организација излезе на телевизија да зборува за, на пример, топилницата во Велес и загадувањето, државните институции можат тоа да го обележат како лобирање и да бараат лиценца за лобирање за да може да се изнесуваат аргументи во јавноста. Тоа, реално е зафатено во овој предлог на закон бидејќи покрај опцијата да се дефинира „што не е лобирање“, во самиот предлог се третира и настапот на лобисти во медиумите (т.е дозвола тоа да го прават), што уште повеќе упатува на можноста власта да го ограничува изнесувањето на аргументи во јавноста од нелиценцирани „лобисти“. Правно гледано, овој закон е многу лошо напишан и остава простор за сериозна манипулација. Практично, овој закон се обидува да ја уредува политиката, т.е начинот на кој таа се одвива - што е од една страна невозможно, а од друга страна - не-либерално, комуњарски или како веќе власта неќе да биде нарекувана.

Останува да се види, што би рекол еден истакнат активист, дали сиве овие, скоро 15 години, интензивно трошење пари од невладините организации за градење на капацитетите на цивилното општество, ќе се исплатат, т.е дали невладините организации, негувани да креираат силно цивилно општество, ќе бидат способни да се одбранат од овој државен удар по нивното право да учествуваат во политичкиот процес.

Сумирано, ова што се случува денес, со т.н. „вето“ на законите, кое го постави Бранко Црвенковски може да се третира како македонскиот систем за „проверка и баланс“ со кој властите ја контролираат меѓусебната работа. Секако, дамка претставува аболицијата на Зоран Заев, но „ветото“ на Претседателот на законите е пречка на државните удари кои Собранието ги задава на општеството, непочитувајќи ја системската поставеност на процесот на донесување на закони, со долг процес и дебата. Тоа што ВМРО-ДПМНЕ ќе треба да го објасни на граѓаните е зошто отсуствува моментот на јавноста во работата при креирање и донесување на законските решенија. Собранието не треба да е гласачка машина - нема мандат да биде само тоа.

п.с. Текстовите на предлозите можете да ги најдете на сајтот на Собрание на Р.М. www.sobranie.mk

од kotle на 07 август 2008, 17:47

Tritium е менаџер за прозорци, напишан во Python и прилично возбудлив. Откако Ion3 станал неслободен со дел од лиценците под кои што се дистрибуираат делови од кодот, Mako и Stew, авторите на Tritium се обиделе да напишат wm од нула во Python. Според тоа шо го гледам, Tritium навистина личи на Ion3 се разбира има помалку функционалности затоа што е млад софтвер. Но брка работа за сѐ шо ми треба

Досегашната борба со Xmonad заврши неуспешно. Конфигурирав се како шо треба, единствено ме јадеше некој вид на пропуст, бубачка или што знам што, која ја имаат пријавено само еднаш тука. Нешто ми го крадеше фокусот. Ако, мал контакт со Haskell

KDE 3.5.x функционираше прекрасно. Фала на сите за се што направија/вте во периодот додека ја користев според мене најмоќната работна околина што постои. KDE 4.x ја сметам за инфериорна, пластична и детинеста средина која никогаш, веројатно навистина никогаш, нема да ја користам

од gemidjy на 07 август 2008, 10:31

There has grown up in the minds of certain groups in this country the notion that because a man or corporation has made a profit out of the public for a number of years, the government and the courts are charged with the duty of guaranteeing such profit in the future, even in the face of changing circumstances and contrary to public interest. This strange doctrine is not supported by statute or common law. Neither individuals nor corporations have any right to come into court and ask that the clock of history be stopped, or turned back.

Од http://en.wikiquote.org/wiki/Robert_A._Heinlein (Кој е Robert Heinlein?).

07 август 2008, 09:49

Фотолинк

Сликата е од Red Noise Studio за приказната:

The Things that Make Me Weak and Strange Get Engineered Away

Која можете и да ја слушате.

Освен тоа, има многу добри sci-fi приказни од најдобриот издавач на научна фантастика во светот: Tor (клик на сликата да одите директно до приказните)

07 август 2008, 00:15

Дали тајните служби и партиските кујни ги користат коментарите на медиумите и блоговите за е-графитоманија? Дали постои организација позади троловите?

од Jovan Petrov на 06 август 2008, 13:07

Ова го ископав од овде O`релски крилја как да си метнех и накај дома да си прелетнех во моја соба ја да си идам да видам кревет, јастук да видам да видам дали и тамо је досадно како вамо. Ако пак и тамо је досадно ко вамо на п`т далечен ќе се стегнам и до компјутерот ке си пребегнам к`де мониторот светло угревјат к`де интернетот [...]

од Кирил Димески на 05 август 2008, 20:06

Споделена култура. Преведено на македонски од … мене! :)

04 август 2008, 17:00

Две деца наоѓаат еден дневник на партизан.
21.07.43: По долги борби со Германците ја земавме шумичката.
23.07.43: Дојдоа Германците и ни ја земаа шумичката, ама утре ќе ја повратиме.
24.07.43: Како што напишав претходнно ја вративме шумичката.
27.07.43: Се боревме со Германците за шумичката кога дојде Шумарот и сите не избрка.

од Jovan Petrov на 04 август 2008, 14:38

04 август 2008, 13:49

Во овие „турбулентни времиња“ симболички најмалку значајното, но медиски најекспонираното е апсењето на градоначалникот Зоран Заев и неговата аболиција потпишана од претседателот Бранко Црвенковски. Надвор од дебатата дали Заев е виновен или не, на момент се доби впечаток дека неговото „спектакуларно апсење“ е првата реална сопка во таквата спектаклократска пракса на Владата. Заев - не толку непознат лик, со реноме на неконтаминиран од политичката жабокречина, е политичар чие притворање тешко можеше да не се подведе под категоријата „политичка пресметка“. Барем не додека да се изрече правосилна пресуда, а и после која сеуште ќе постоеше сомнеж. Доколку пак се испоставеше дека не е виновен, контекстот на политичко затворање на така висок претставник (во очите на јавноста очигледно невин) на опозицијата, ќе значеше сребрен куршум во борбата за власт.

Но, дали е Заев виновен или не, нема да дознаеме, поради аболицијата потпишана од Претседателот. Со тоа тој го подведе под иста капа со аболицијата на Доста Димовска, и ја закопа неговата идна политичка кариера. Можеби, во апсурдот на македонската политичка арена, претседателот Црвенковски токму тоа и го сакал, оставајќи се или себеси или неколкумина „сдсм-овски“ медиокритети како единствени спасители на Партијата. Тоа никој не би го знаел… останува да се види… но тоа што е сигурно е црната дамка неречена „аболиција“ во политичкото CV СиВи на Зоран Заев, за обвинение каде што тој можеби, воопшто и не е крив.

од kotle на 03 август 2008, 21:55

Quit smoking, make beautiful art instead!

Како? Внимателно извади го тутунот од цигарата. Внимателно извлечи го поголемиот дел од филтерот (од жолтата страна). Замоткај ја преостанатата хартија. Играј си со делумно-извадениот филтер додека не добиеш нешто што изгледа на цвет. Стави си го/во коса[на-девојкати] и енџој во улогата на no-smoking хипик? Ваљда. :)

Само не пушете. Плис.

03 август 2008, 21:08

Во Рамстор и пред Бисер имало демек bluetooh зона и на сите мобилни во близина им праќало разни сликички.

Направив мало python програмче за на работа кое го прави истото, па може на некој ќе му користи. Плус ќе биде интересно да добијам повратни информации како функционира со разни модели на мобилни. Му треба компјутер со Linux и bluetooth адаптер. Linux може да се најде било каде, а во Анхоч има донгле за 350 денари што си работи супер.

Значи, работи континуирано и на сите bluetooth уреди во близина кои ги гледа првпат им праќа контакт информации (vcard.vcf). Секој следен пат кога ќе види ист уред му праќа некоја случајна сликичка за позадина.

Во архивата има procitaj.txt со информации кои библиотеки му требаат и како работи.

Архивата: bluetooth_dobredojde.tar.gz. Околу 300 слики од zedge.com: sliki_zedge_com.tar.gz

02 август 2008, 16:10

Saul Bass онлајн, многу инспиративно и оригинално:

SAUL BASS

Многу ми се допаѓа ексцентричноста на неговите дела, затоа и го сменив темплејтот во нешто поврзано со него - Vertigo. Видете и за North by Northwest. Винтиџ. Уживајте!

01 август 2008, 22:58

На почетокот на постов напишав дека ќе се обидам да го направам ова најкратко што можам, но излезе малку подолго од она што го очекував. Епа… одиме.

Локализацијата е важен процес со кој што некои луѓе од заедницата се занимаваат веќе скоро цела деценија. Веројатно една од поуспешните и и најодржливи активности на кои што работела македонската заедницата досега.

Се сеќавам дека некаде пред 5-6 години бевме први во регионот по процентот на преведени GNOME, KDE, Fedora и други апликации и дистрибуции. Сето ова е доказ дека ни било важно да локализираме што е можно повеќе слободен софтвер на македонски јазик, за да можат многу поголем број на луѓе да го користат, бидејќи една од првите цели што си ја поставивме кога прв пат седнавме да разговараме за организирано да работиме нешто како заедница беше  подигнувањето на информатичката свест во Македонија. Добро е да се види дека и после 8 и кусур години од тој иницијален собир сме успеале да направиме нешто околу тој првичен муабет.

Покрај неколкуте преведувачки маратони организирани од страна на 2с.мк постојат и луѓе кои што во континуитет во изминативе 4/5/6 и повеќе години работат на преводите на слободниот софтвер кој што доаѓа со повеќето денешни GNU/Linux дистрибуции. Kudos за сите нив, бидејќи воопшто не е лесно да се прати и да се делува во процесот на локализација толку долго време, посебно кога пред неколку години некои од овие луѓе немаа ни интернет врски дома.

Некои луѓе се уште го користат овој софтвер на англиски јазик, но пак јас им велам дека тоа не е за нив, туку за идните генерации, за децата кои што се уште немаат вкоренето навика целиот софтвер што го користат да биде на англиски јазик. Како и да е, тоа воопшто не е важно ако сакате да се префрлите на македонски. Еве јас сум од таа генерација на деца што почнувајќи од DOS, до сите Windows-и па до Red Hat 5.2 имам користено софтвер на англиски јазик, но денес ми е незамисливо да не го користам на македонски. Да не навлегувам повеќе во ова, се работи за навики, а навиките можат да се менуваат.

Да не забегувам од темата премногу. Овој блог планирав да биде повеќе објаснување за сите луѓе претплатени на ossm-members. Бидејќи беа принудени да ме прочитаат во афектна состојба минатата недела, би сакал да дообјаснам некои работи во врска со тоа што го напишав таму.

Како би се чувствувале вие доколку сте работеле волонтерски на нешто 8 години и одеднаш од никаде се појавува некоја фирма (не вреди да им го спомнувам името) и се пријавува да земе пари за дел од онаа работа која што вие сте ја сработиле во текот на тие 8 години? Значи, еве да се вратиме на самиот почеток, кога почнавме немавме многу искуство, со време научивме како се одвива процесот, почнавме да пишуваме упатства, увидовме и поправивме многу грешки во терминологијата, креиравме глосари (речници) со терминологија која што може да се користи од сите преведувачи и во иднина. Значи почнавме од 0 и со тек на време стигнавме до добро организирани тимови со луѓе со искуство кои што можат многу да им го олеснат почетокот на сите нови волонтери.

Сето ова е резултат на неспиени ноќи и луда посветеност кон нешто за кое што сме верувале дека ќе направи промена во иднина.

Новица веќе напиша нешто во врска со ова, но тоа е само top of the Iceberg, овие луѓе продолжија со обидите да ги остварат своите цели и да дојдат до кешот со лажење, сокривање на информации и разни други манипулации и како и по обичај, тешката работа од ваков тип секогаш се исплати во Македонија, така што ќе им се исплати и на нив.

Мислам дека е време во Македонија институциите да се вмешаат во целиот овој процес (иако ако кликнете на врскава ќе видите дека си имаат и други проблеми), во најмала рака да разговараат со искусните луѓе од 2с.мк и заедницата околу тоа како можат да помогнат или пак целосно да ја превземат работата во свои раце, бидејќи некои од овие апликации како што се Firefox, OpenOffice.org, Thunderbird и GNOME веќе се користат во повеќе македонски институции како и во сите училишта во Македонија.

Се двоумам целосно да се откажам од активно оддржување на преводот на GNOME поради зголемените обврски (лични и на работа) но се уште нема кој да му помага на останатиот член на тимот, па доколку има некој заинтересиран слободно нека остави коментар или нека ме контактира.

Се надевам дека доволно детално објаснив некои работи и дека нема да ми замерите зашто реагирав како што реагирав на поштенската листа пред неколку дена.

(Фала Новица што индиректно ме потикна да го напишам ова).

од Арангел Ангов на 01 август 2008, 15:24

Mozilla Summit 2008 заврши. Вчера морав порано да си одам од завршната вечера - која btw малку личеше на свадба со смешен бенд на сцена - бидејќи автобусот кон Ванкувер ми тргна во 10pm PDT (7аm Скопско).

Сега (7:30am PDT, 16:30 Скопско) веќе сум во Ванкувер и го чекам авионот за Торонто. Во Скопје ќе бидам утре во 15:30 (Скопско време). Се на се, некои 32 саати пат.

Се надевам списанијата ќе ми дотрајат. Интернет во следниот период тешко - Торонто немаше free wifi, а мислам ни Виена.

ps. освен се друго што ни се случи вчера уште и видов како врне снег во Јули, а нормално и неколку мечки наваму натаму. Тоа ти е... Канада :).

01 август 2008, 14:26

mdfsmash:

Good Magazine: Oil Addiction

I’m in love with Good Magazine’s videos, and their use of Justice’s Genesis as the soundtrack is icing on the cake.

[via NewTeeVee Station]

01 август 2008, 09:47

gina:

The Progression of a Geek’s Life—A Flowchart (not perfect, but a good start)

01 август 2008, 09:42

Нешто чудно се десило со фонтовите на мојот Фајрфокс и сега имам фанки Твитерски апдејти што воопшто не се лоши во својот фанки големо-мал стил. Се прашувам дали Интернет Експлорер може да направи некоја волку кул работа? Па секако дека не, all cool people use Firefox (or Safari for that matter)!

Ако имаш Твитер а уште не ме следиш или јас не сум те прокопал од негде, следи ме! It’s fun! :D

01 август 2008, 01:51